Ni mundu se ku non nanse kontla, kwa sa de modu ku a mesee...
Mon di pletu ku kalu ni sala-mon soku ka-lenbla mu tenpu ku kolonba ta ka-da pletu sotxi pa e tlaba da kolonba zo kume kwa ku toka kaso. Y tenpu, ne kaso di kolonba fina ta ka-kume nen kwa se fa.
Oze non ka-tende nen anzu ka-fla kada kwa ni boka, non ka-mese sonbla! Non sebe kuma yo nen kwa se ka-sa kwa ku nen pe ku men di nen anzu se ka-xina inen ni ke jina txoko. E te mina di kolonba, pikina antawo, ku ka-tason kume awa mo nge tamen. Nen ka-komesa ka-venta sedu, ka-tom yo mindjan ku sen pa a xintxi ubwe lizu pa a po fla ku mwala y floga ku nen migu. Xi a konta nge nen kwa se e na ka-kele fa, elemanda ku nga pe nen letlatu di nen kwa se ku mina kolonba ku vin ku sleveja ni mon ka-bebe, ku sigaru ni boka ka-venta. A ka-sa ka-xina anzu kada kwa ku ka-da sun mendu. Sun ka-be kwa, ubwe ka-nda sun...
Tenpu, mo yo nge ta ka-xe ni lwa ku luxpetu y sode ta ka-manda nge fe kwa ku Ale ta ka-mandinen, kwa na ta malaboya mo e sa oze fa! Ale ta ka-vija tudu nge ni poson, ni xtluvisu, ante ni ngletu di koboke! Nga pe kwa nay ni "ngleji" pa a po sebe ke kwa ku e sa y punda kwamanda ku a ka-fla kwa se oze. A ka-tende nge ka-fla fuck, maji tenpu kwa se ta te otlo xintxidu ku e te oze da yo nge. F.U.C.K. sa: "Fornication Under Consent of the King". E na ta sa kwa pa a floga ku e fa y pletu ku ta ni mon di kolonba ka-xtlivi yo di anu ta ka-te dja ku ola ku nen patlon ta ka-dinen pa nen ba dumini mwala.
Ni folo, F.U.C.K. sa: "Ale soku ta ka-kuji ome dja ku e ka-po na tlaba fa, pa e po kobo mwala de ni nglentu di koboke". Punda pletu na ta ka-konse kwa ku sa kansa fa, dja ku e na tlaba fa, mo kolonba. Nayen, nna mese fla modu ku Ale ta ka-fee ku kolonba fa, punda pla ami tan, djabu po levinen ba nfenu!...
Ola non ka-pya ni televizon, kwa ku a ka-musa non, di tela di kolonba, sa mina di kolonba bixidu ku kala di kaso ku na ka-kume ovu fa, ni xkola ka-pya livlu, o ni nen ke se ku te kwa di floga ka-kume doxi, ka-musa sawoji ku a te di bende. A ka-musa modu ku kolonba ka-tlaba pa a da nen anzu dinen bon vida ku ke pa a ta ne, ku bon vida ku a ka-te ni xitu ku a ka-ba paxa ne, o ola a ka-fe fesa di flegeja dinen o dja di Nata.
Ni otlo kamya, ku sa tela di pletu, sa otlo kwa soku ska-pasa. A na ka-be anzu ka-ba xkola fa. Yo dinen ka-sa losa ka-tlaba jina a ka-komesa ka-nda, ka-klaga kega ku pezu ni liba di kabesa. Ne floga a na ka-sebe ke kwa ku e sa fa! A ka-musa kala dinen pletu ku meka di awa we ku xe, plovya di kwa ku na sen pa a po pe ni bega fa. Pe dinen na ka-po xininen otlo kwa ku na sa te ni mantxi ku kwali, pa a po subli oke y dese vaji fa. A ka-zuda klaga bana, fluta, jaka, zekentxi ni kwali, bila klaga ngama di pixi pa a bende ni fela o ngama xa lopa pa a be ku e awa ba laba.
Xi nfla di mina di pletu ku ka-lanta sedu pa a zuda nge ke dinen ku xtluvisu, e te ten ku a ka-da pingada ku a na sebe tlaba ku e me fa, pa a da nge ku bala. Nen ngandu ka-xininen ka-da nge ku bala jina anzu antawo se sebe xkleve, punda a na ka-pinen ni xkola fa. Zo kwa maxi pyolo sa: a ka-tandinen pingada pa a mata tudu nge di kinte dinen, punda a ka-dinen mindjan, zo a ka-sa mo dodo ka-kole tlaxi di manu ku mana dinen pa a po mata.
Tudu nen kwa se ku a ka-fe sa nen nge tamen ku na te xintxidu fa, ku na sebe nadaxi di mundu se fa, ku ka-tom djelu pe jibela, kopla pingada ni mon di kolonba pa kolonba po sebe di vida dinen, bila godo, ba ple ba tom sleveja, va nen mina non anzu kadela (e po sa mina-mosu o mina-mwala), wanga maxkalenxa dinen pe non tela.
Kuma tudu non te we di pya, na sa ami ku ska-bi ku nova da nanse fa! A sebe kuma tudu nen kwa se ka-pasa ni tlaxi ke non, ni tela dinen donu non, dinen nge pletu mo non. Y non sebe ten, kuma djelu ku a ka-plomete pletu na ka-xiga ni mon non se txoko fa. Anzu ku na te livlu fa, na te kwa kume fa, na te kwa bixi fa, ka-ta de se tudu nen kwa se, ka pasa mixidaji y nge ku sa pode ka-sa ka-fe poko non pe liba de.
Mo nta fada nanse ni otlo ve, nen ngandu se ku sa tela tason pe ope ni liba di ope na ska-kupa ku povo fa. Kwa ku a mese tan sa pa djelu kye inen ni mon tan, pa a lentla avyon ba vive vida di kolonba. Zo ola a ka-xiga ala, a ka-sende mon piji jimola pa a "zuda" non se pobli ku say SanTome ku Ie ka-padise.
Ke kwa ku sa vlegonya da nen ngandu se ku sa SanTome?
Nen na te alima fa! A ka-fe nogoxo ku demono! Kwa ku a te tan sa kwa di makyadu tan!
Klonvesa dinen sa bola ku a ka-zuga ni tela di kolonba, ku a ka-da ni televizon mo kwa non!
A ka-fla di kadela di nen mina non ku ka-vala ni xtlada, di ixi ku a kobo za y ku a naxi kobo fa ku a ska-lema!...
Kwa ku non sebe sa kuma nen kwa se ku non ka-be ni mundu te ola ku e ka-bi kaba de. Y povo ku ta ka-padise ka-po txila nen doxi se ni boka unwa dja me! Punda oze, kolonba sa de tasondu ka-kume xtlolo ku likeza di pletu - pobli-, maji amanya kwa ka-po muda o!...
3 comments:
Racista ridículo!!!!Ódio de outras raças é um sentimento medíocre!!!!
A civilização já avançou nessa parte atualize-se !!!please.....
Pois, Sra. Aline! Vindo de quem é amante de brancos e pardos, outra coisa não poderia esperar... Jamais será uma negra com orgulho das suas raízes e terá coragem e inteligência suficiente para reconhecer a VERDADE DOS FACTOS. Ainda carrega SIDA para a nossa terra devido às lenviandades das ideias liberais dos ocidentais. Boa sorte!
Citando um texto de Guerra Junqueiro escrito em 1886 (!?): "Um povo imbecilizado e resignado, humilde e macambúzio, fatalista e sonâmbulo, burro de carga, besta de nora, aguentando pauladas, sacos de vergonhas, feixes de misérias, sem uma rebelião, um mostrar de dentes, a energia dum coice, pois que nem já com as orelhas é capaz de sacudir as moscas...', pergunto-lhe: Já alguma vez pensou sobre as suas origens e do rumo que o povo da terra dos seus antepassados africanos - se é que os tem - está a tomar?
Revoltado
Concordo com o Revoltado. Afinal a sra Aline é mesmo racista!!! Acha que o autor Jykiti Wakongo pretende demonstrar o seu ódio contra pessoas que nada fizeram e nada fazem contra os negros? Você é muito ingénua, coitada. Deve estar agora a sonhar (como sempre dizem os brancos) num príncipe mulato ou branquelo de olhos azuis e louro, com uma conta bancária abastada com o dinheiro criminoso que sacou aos pobres diabos lá da África.
Sra Aline, você é que é uma Racista de merda! Vê lá se não se constipe!
Pescador
Post a Comment