KASO KU NA KA-LADLA FATudu non sebe kuma kaso ku na ka-ladla fa so say ka-mode nge! Maji ixi ku ka-ladla tudaxi say ka-mode nge!
Elemanda ku nga fla kuma nge mo Diki poja ka-da sun "plume-minixtlu", Vela Klusu, tudu djelu ku e te pa e po bila sa ni pode yo danu. Kaso se ska-fla kuma e na plomete sunge djelu fa, sen mile ($ 100.000) na ka-xiga sun fa... Kaso xe, kaso xe... sa kwa ku povo toka fada sun Diki ola ku e ka-bi fla kuma e sa migu di San Tome ku Ie, ku e ka-ba televizon ba fla kuma e sa putugeji, blanku mo nge di tela di pe de. Ola ku ola di vede ka-xiga, povo toka tufu djelu ku Diki ka-patxi pa monya mon zo ba vota pe jibela zo ba koye nge xi ku a mese. Povo na ka-po bila kunda kuma mulatu se sa migu di povo di San Tome ku Ie.
Sun Diki te dja de, ola dja se ka-xiga, zeme so...
Nen nge tela ten, nglatu ku bluguna ba tela blanku, otlo da mali tela y otlo-otlo bila nge di tela blanku, maji ni papelu tan, punda nen po dumini ku blanku mo venxa, nen na ka-sa blanku ni kloson ne ni ubwe fa. Nge ku nanse ni San Tome ku Ie, ku bluguna ba tela blanku toma nen blanku se ku a zeta pe son, ku te dwentxi, ku sa blutu, ku ka-kontle nen manu dinen pletu se mo non, na toka bi tela non maxi fa!
Nen nglatu se mo "Karla Saklamentu", "Nayd Gomix", ku otlo-otlo folo, monko, ngola, mulatu yaga, fanyozu ku volo tela, ku te odjo di nge di San Tome ku Ie, ku ka-bende tela non da blanku, lega yo gabon bi fo "Nijelia", "Ngola", "Tela" lentla so, tlega klopo plovya di dosu olya di glapon, klaga nen mina nen, anzu antawo, tanda blanku; nen nge se toka xe lwa da pinsu ni budu, bluguna da kabesa ni po mole o myamya toka dese pe liba kabesa di tudu nen djabu se.
Fitxiselu ni matu toka baya da inen tudaxi pa San Tome non PLODOZU po vive de sosegadu ku nen mina de, pa na lega tela malaboya axen fa!
Bakwe San Tome ku Ie!!
Jykiti Wakongo
Elemanda ku nga fla kuma nge mo Diki poja ka-da sun "plume-minixtlu", Vela Klusu, tudu djelu ku e te pa e po bila sa ni pode yo danu. Kaso se ska-fla kuma e na plomete sunge djelu fa, sen mile ($ 100.000) na ka-xiga sun fa... Kaso xe, kaso xe... sa kwa ku povo toka fada sun Diki ola ku e ka-bi fla kuma e sa migu di San Tome ku Ie, ku e ka-ba televizon ba fla kuma e sa putugeji, blanku mo nge di tela di pe de. Ola ku ola di vede ka-xiga, povo toka tufu djelu ku Diki ka-patxi pa monya mon zo ba vota pe jibela zo ba koye nge xi ku a mese. Povo na ka-po bila kunda kuma mulatu se sa migu di povo di San Tome ku Ie.
Sun Diki te dja de, ola dja se ka-xiga, zeme so...
Nen nge tela ten, nglatu ku bluguna ba tela blanku, otlo da mali tela y otlo-otlo bila nge di tela blanku, maji ni papelu tan, punda nen po dumini ku blanku mo venxa, nen na ka-sa blanku ni kloson ne ni ubwe fa. Nge ku nanse ni San Tome ku Ie, ku bluguna ba tela blanku toma nen blanku se ku a zeta pe son, ku te dwentxi, ku sa blutu, ku ka-kontle nen manu dinen pletu se mo non, na toka bi tela non maxi fa! Unwa dinen sa unwa sunge ngola ku ta tela kolonba yo di anu, tom nge dala zo ola ku e be modu di nganya djelu ku tela non, e zunta ku folo ku kolonba fe kwa di musa ni televizon di kwa kume di SanTome ku Ie. Maxi montxi di inen kwase ku sun musa nge ni televizon ("Zon Karlux Silva" -"Ni losa ku panela") pa nganya djelu (punda kolonba ka-gogo ku kume mo kaso ka-gogo ku oso...), somanda e bila fe livlu bende bila de liku. Maji ni kloson sun se, kwa ku e ka-be sa blanku ku lungwa dinen ni boka tan. Zo ola a ka-xiga tela ku maxkalenxa, ku a ka-be otlo migu ku familya ku a zeta pe tela, ku a ka-be tela ku likeza ku a ka-musa mundu, so a ka-fla kuma a nanse ni SanTome ku Ie, tela glavi ku te nge glavi, maji mwala o ome dinen ka-sa blanku tan.
Nen nglatu se mo "Karla Saklamentu", "Nayd Gomix", ku otlo-otlo folo, monko, ngola, mulatu yaga, fanyozu ku volo tela, ku te odjo di nge di San Tome ku Ie, ku ka-bende tela non da blanku, lega yo gabon bi fo "Nijelia", "Ngola", "Tela" lentla so, tlega klopo plovya di dosu olya di glapon, klaga nen mina nen, anzu antawo, tanda blanku; nen nge se toka xe lwa da pinsu ni budu, bluguna da kabesa ni po mole o myamya toka dese pe liba kabesa di tudu nen djabu se.Fitxiselu ni matu toka baya da inen tudaxi pa San Tome non PLODOZU po vive de sosegadu ku nen mina de, pa na lega tela malaboya axen fa!
Bakwe San Tome ku Ie!!
Jykiti Wakongo
1 comment:
Pesso desculpas por dizer a verdade... Mas tem que ser... " Quando o pais não nos favorece condições para praticar nenhum tipo de desporto não podemos fazer nada se não for praticar por gosto... Não são ingrata viram uma maneira de singrar na vida e aproveitaram no... A vida é mesmo assim os nossos derigentes desportivos não querem apostar no desporto e quando sai alguem do pais e da bem no desporto e na mesma categoria... " Dizemos simplismente são ingratas (os)... Também sou um atleta e se visse a mesma oportunidades que eles provavelmente aproveitava-as... Quem não quer ficar bem na vida?
Post a Comment