SUNGE FOLO
Jykiti Wakongo, sunge folo! Nsa folo, mina di San Tome ku Ie. Nga sama Jykiti Wakongo, maji a konse mu ni ome migu mo Dotolo Polimadu. Nga ngoxta di sebe di kwa di mundu ku kwa tela ten, zo kwa ku toka pletu ku kwa tela pletu. Kuma nda y npya yo kwa ni mundu se faxa za, nsay ska-mese musa nen folo, maxibin, ku ka-ngoxta y ku te amole ni San Tome ku Ie, kwa ku toka non. San Tome ku Ie sa pa tudu mina de, ku te kabesa, klopo ku alima ni tela non. E na sa pa nen ngaltu ku ka-da mali tela fa ola a ka-xe ba tela nge; e posa tela di blanku o di pletu me, ku kwa ka-sa ka-kole bwadu da nen nge se, zo ola kwa ka-bilotlo a ka-bluguna bi San Tome ku Ie (Wola tela bila glavi da nen nglatu se wo, wola a sa ku sawodji di nen konpa ku kuma dinen... - nen folo se sa mo ploko). Tela se ku a da mali de, volo da nen numigu blanku, ku ka-fika ku goxto ola folo ka-luma kega pe vapo/avyon bluguna ba tela zo ka-bili boka se fede ka-da mali di San Tome ku Ie ku nge de, soku ka-bila bili potto manda inen lentla.
Nkya unwa xitu ni "Net", ku sa luge pa nen folo po be kwa ku nga pensa ku kwa ku ka-pasa ni mundu ten, zo pa a po fada mu kwa ku a ka-pensa ten. Nbila te xitu ni hi5 ku ka-sama http://polimadu.hi5.com/ y nala so nga fe migu, pe kletlatu di tela, xkleve kwa da nen nge konxidu di San Tome ku Ie. Xitu se ku nkya plume, nfise y nbili ise.
Zo nga bi xkleve kwa mu ni folo tan, punda sela nbila dotolo ni lungwa di tela mu fan... Nge ku na sebe fa ka-ba xina o xi a mese a ka-po piji nge pa a po pe ni putugeji ten.
Ndumu e naye...
Jykiti Wakongo
Jykiti Wakongo, sunge folo! Nsa folo, mina di San Tome ku Ie. Nga sama Jykiti Wakongo, maji a konse mu ni ome migu mo Dotolo Polimadu. Nga ngoxta di sebe di kwa di mundu ku kwa tela ten, zo kwa ku toka pletu ku kwa tela pletu. Kuma nda y npya yo kwa ni mundu se faxa za, nsay ska-mese musa nen folo, maxibin, ku ka-ngoxta y ku te amole ni San Tome ku Ie, kwa ku toka non. San Tome ku Ie sa pa tudu mina de, ku te kabesa, klopo ku alima ni tela non. E na sa pa nen ngaltu ku ka-da mali tela fa ola a ka-xe ba tela nge; e posa tela di blanku o di pletu me, ku kwa ka-sa ka-kole bwadu da nen nge se, zo ola kwa ka-bilotlo a ka-bluguna bi San Tome ku Ie (Wola tela bila glavi da nen nglatu se wo, wola a sa ku sawodji di nen konpa ku kuma dinen... - nen folo se sa mo ploko). Tela se ku a da mali de, volo da nen numigu blanku, ku ka-fika ku goxto ola folo ka-luma kega pe vapo/avyon bluguna ba tela zo ka-bili boka se fede ka-da mali di San Tome ku Ie ku nge de, soku ka-bila bili potto manda inen lentla.
Nkya unwa xitu ni "Net", ku sa luge pa nen folo po be kwa ku nga pensa ku kwa ku ka-pasa ni mundu ten, zo pa a po fada mu kwa ku a ka-pensa ten. Nbila te xitu ni hi5 ku ka-sama http://polimadu.hi5.com/ y nala so nga fe migu, pe kletlatu di tela, xkleve kwa da nen nge konxidu di San Tome ku Ie. Xitu se ku nkya plume, nfise y nbili ise.
Zo nga bi xkleve kwa mu ni folo tan, punda sela nbila dotolo ni lungwa di tela mu fan... Nge ku na sebe fa ka-ba xina o xi a mese a ka-po piji nge pa a po pe ni putugeji ten.
Ndumu e naye...
Jykiti Wakongo
No comments:
Post a Comment